Vakansiya haqqında məlumat:

Struktur bölmə: Məhsulun inkişafı sahəsi, Əməliyyat bölməsi
Vəzifə: Əməliyyat bölməsinin mütəxəssisi
Əmək haqqı: Ştat cədvəlinə uyğun olaraq
Tələb olunan işçi sayı: 2 (iki)
İş saatları (iş rejimi): 09:00 – 18:00

Son müraciət tarixi: 22 may 2022-ci il.

Vəzifə Öhdəlikləri:

1. Çalışdığı komandada məhsul və proseslərin optimallaşdırılması yönündə təhlillər aparmaq;
2. Məhsul və proseslərin hazırlanması və təkmilləşdirilməsi zamanı müştərilər və əlaqəli tərəflərlə davamlı görüşlər keçirmək, müştəri rəylərini toplamaq, təhlil etmək və təkmil həllər hazırlamaq;
3. Prosesləri vizuallaşdırmaq, asılılıqları üzə çıxarmaq, vaxt və enerji itkisinə gətirən bəndləri proseslərdən çıxarmaq;
4. Məhsul və proseslərin hazırlanması və təkmilləşdirilməsi zamanı xərc-gəlir təhlliləri aparmaq, gördüyü işlərin effektini ölçmək;
5. Komandaya məhsul və proseslərlə bağlı texniki sənədlər (istifadəçi və texniki səviyyədə) və həllərin aydın şəkildə ötürmək;
6. Komanda tərəfindən görülmüş işləri istifadəyə təqdim etmədən öncə test planları və test ssenariləri hazırlayıb keyfiyyətə əmin olmaq;
7. Məhsul və proseslərin hazırlanması zamanı potensial riskləri öncədən görmək, nəzərə almaq, daxili qayda və prosedurlarla uyğunluğuna əmin olmaq;
8. Məhsul və proseslərin hazırlanması zamanı innovativ həllərin tapılması və tətbiqinə nail olmaq;
9. Bölmənin görüşləri zamanı digər biznes analitiklərlə uğurlu təcrübələri paylaşmaq, onların təcrübələrini öyrənmək və tətbiq etmək.

Namizədə olan tələblər:
İş təcrübəsi: Biznes proseslərin, layihələrin idarə edilməsi, maliyyə və ya sığorta sektorunda keyfiyyətə nəzarət, IT analitika sahələri üzrə ən azı 1 il iş təcrübəsi tələb olunur.
Təhsili/ixtisası: Maliyyə, İqtisadiyyat, Riyaziyyat və ya İT ixtisasları üzrə bakalavr dərəcəsi.
Dil bilikləri: Azərbaycan dili: əla , İngilis dili: yaxşı, Rus dili: yaxşı.
Üstünlüklər: Sığorta sahəsində təcrübə; Agile (Scrum) metodologiyası və blok sxemlər (BPMN) üzrə biliklərə sahib olması; İT sahəsi üzrə sertifikasiya və ya dərəcələrin olması; Biznes proseslərinin idarəedilməsi və ya İT sahəsi üzrə (proqramlaşdırma) təcrübə; ERP; Verilənlər bazası (SQL) üzrə bilik və təcrübə
Kompüter bilikləri: MS Office: əla.
Fərdi keyfiyyət tələbləri: Analitik məntiq, tənqidi yanaşma, nəticəyönümlülük, müştəriyönümlülük, inam yaratma, komanda işi, əməkdaşlıq və keyfiyyət yönümlülük, innovativlik, öz üzərində daima işləmək.

İmtiyazlar
Könüllü tibbi sığorta: 3 ay sonra işçinin özünün və öhdəliyindəki ailə üzvlərinin könüllü tibbi sığortası
*Yalnız ilkin seçim tələblərinə cavab verən namizədlərlə əlaqə saxlanılacaqdır.