• (012) 942

  • office@pasha-life.az

  • 09:00 - 18:00

  • I-V gün

Bİz kİmİk ?

ŞİRKƏT HAQQINDA

“PAŞA Holding” şirkətlər qrupuna daxil olan “PAŞA Həyat Sığorta” Açıq Səhmdar Cəmiyyəti 24.11.2010-cu il tarixdə Azərbaycan Respublikası Vergilər Nazirliyi tərəfindən dövlət qeydiyyatına alınaraq Azərbaycan Respublikası Maliyyə Nazirliyinin 14.02.2011-ci il tarixli lisenziyası əsasında həyat sığortası sahəsi üzrə xidmətlərin həyata keçirilməsi istiqamətində fəaliyyət göstərir.

Təsis olunduğu zaman “PAŞA Həyat Sığorta” ASC-nin nizamnamə kapitalı 7.000.000 (yeddi milyon) AZN təşkil edirdisə, fəaliyyətinin ilk 3 ilinin nəticəsi olaraq Cəmiyyətin nizamnamə kapitalı 5,75 dəfə artırılaraq, hazırda 40.250.000 (qırx milyon iki yüz əlli min) manata çatdırılmışdır.

“PAŞA Həyat Sığorta” ASC dinamik inkişaf edən universal həyat sığortası şirkəti olaraq hazırda Azərbaycan Respublikasının Sığorta qanunvericiliyi ilə nəzərdə tutulmuş həyat sığortası siniflərinə aid olan bütün növ məhsulları müştərilərinə təqdim edir.

“PAŞA Həyat Sığorta” ASC İcbari Sığorta Bürosunun iştirakçısıdır.

“PAŞA Həyat Sığorta” ASC İcbari Sığorta Bürosunun iştirakçısıdır

Şirkətimizin bir sıra göstəriciləri

147
Ödənişlər (mln. AZN)
53
Bazar payı %
163
Aktivlər (mln. AZN)
150
Əməkdaşlar

BİZİ FƏQRLƏNDİRƏN AMİLLƏR

BİZİ NİYƏ SEÇMƏLİSİNİZ

Bazar lideri

Sağlam maliyyə durumu

Geniş çeşidli sığorta məhsulları

Sərfəli məhsul şərtləri

Keyfiyyətli müştəri xidməti

Sığorta ödənişlərinin tam vaxtında icrası

image

Hesabatlar

Şirkətin hesabatlarını qeyd edilən illər üzrə yükləyə bilərsiniz

BİZİM MÜKAFATLAR

image

Customer Relationship Excellence Azerbaijan

“PAŞA Həyat” Böyük Britaniyanın nüfuzlu şirkəti “Luxury Lifestyle” tərəfindən 2016 cı il üçün “Customer Relationship Excellence Azerbaijan” nominasiyası üzrə mükafatlandırılıb

image

“Milli irs”

 

“PAŞA Həyat” Mədəniyyət və Turizm Nazirliyi tərəfindən “Milli irs” mükafatı ilə mükafatlandırılıb

image

Ən yaxşı müştəri münasibətləri

 

“PAŞA Həyat” “FIAR 2016 - Beynəlxalq Sığorta və Təkrarsığorta Forumu”nda “Ən yaxşı müştəri münasibətləri ” xüsusi beynəlxalq mükafata layiq görülüb. 

Karyera

BİZƏ QOŞUL

“PAŞA Həyat Sığorta” ASC-də mövcud və potensial insan resurslarına verilən dəyər ön planda tutulmaqla strateji məqsədlərə xidmət edən, yerli qanunvericiliyin və beynəlxalq təcrübənin tələblərinə tam cavab verən insan resursları idarəçiliyi tətbiq edilməkdədir.
Yüksək dəyərlərə malik olan “PAŞA Həyat” ailəsinin hər bir fərdi özü, digər komanda yoldaşları və təmsil etdiyi qurum üçün ən uğurlu nəticəni əldə etmək məqsədilə peşəkarlıqlarını və fərdi göstəricilərini daima inkişaf etdirməkdədir.

“PAŞA Həyat Sığorta” ASC-də işə qəbul, yeni işçilərin adaptasiyası, xidməti fəaliyyətin qiymətləndirilməsi, işçilərin təlim və inkişafı, maddi və qeyri-maddi motivasiya proqramları, müxtəlif ictimai maarifləndirmə tədbirləri məhz bu peşəkar inkişafa dəstək verməklə ümumi strateji məqsədlərə xidmət etməkdədir. Zəhmət olmasa, CV-nizi  cv@pasha-life.az ünvanına göndərin.

image

Mövcud vakansiyalar
  • Strategiya və investisiya Departamenti - İnvestisiya şöbəsi - Mütəxəssis

      Struktur bölmə: Strategiya və investisiya Departamenti - İnvestisiya şöbəsi
      Vəzifə:
      Mütəxəssis

      Son müraciət tarixi:
      09 avqust 2017-ci il

      Vəzifənin öhdəlikləri:

      1. Şirkətin depozit portfelini və portfelin öhdəliklərə uyğunluğunu təhlil etmək
      2. Depozit yerləşdirilən bankların hesabatlarını mütəmadi təhlil etmək və bankla bağlı kredit riskini daxili metodologiyaya uyğun hesablamaq
      3. Sığorta ehtiyatlarının strukturunu (müddət, valyuta və s.) təhlil etmək və aktivlərin uyğunluğunu müqayisə etmək
      4. Şirkətin digər struktur bölmə və orqanlarının sorğusuna əsasən investisiyalar üzrə təhlillər hazırlamaq

      Namizədə olan tələblə:

      İş təcrübəsi:
      Bankın Hesabatlıq (Prudensial və Maliyyə) sahəsində və ya Bankların fəaliyyətinin təhlili sahəsində minimum 3 illik iş təcrübəsi. 
      Təhsili/ixtisası:
      Ali – (Maliyyə, Mühasibatlıq və iqtisadi təhsil ixtisaslarına üstünlük verilir) .
      Dil bilikləri:
      Azərbaycan dilində mükəmməl danışmaq və yazmaq bacarıqları; Rus və ingilis dillərində yaxşı səviyyədə danışmaq, oxumaq və yazmaq bacarıqları.
      Kompüter bilikləri:
      Böyük məlumat bazaları ilə işləmək bacarığı; Excel proqramından yüksək səviyyədə istifadə, məntiqi düsturları qurmaq bacarığı; Outlook proqramından orta istifadə, korporativ yazışma prinsipləri ilə tanışlıq; Word və PowerPoint proqramlarından orta səviyyədə istifadə bacarıqları.
      Üstünlüklər:
      Riyaziyyat, məntiq və statistika üzrə biliklər. Mühasibatlıq üzrə ACCA və ya CFA proqramlarına üzvlük.
      Fərdi keyfiyyət tələbləri:
      Aktiv dinləmə, dərin analitik düşünmə, problemlərin operativ həll edilməsi və işin keyfiyyətli icra olunması.

      İmtiyazlar:

       3 ay sonra işçinin özünün və öhdəliyindəki ailə üzvlərinin könüllü tibbi sığortası.

      Vakansiya üçün müraciət qaydası CV-lər “İnvestisiya-mütəxəssis” mövzusu ilə cv@pasha-life.az elektron ünvanına göndərilməlidir. Yalnız ilkin seçim tələblərinə cavab verən namizədlərlə əlaqə saxlanılacaqdır.

  • Strategiya və araşdırmalar şöbəsi - Mütəxəssis
      Struktur bölmə: Strategiya və araşdırmalar şöbəsi
      Vəzifə: Mütəxəssis

      Son müraciət tarixi: 10 avqust 2017-ci il

      Vəzifənin öhdəlikləri:

      1. Şirkətin strategiyasına əsasən tərtib edilmiş maliyyə planlama modelini faktiki məlumatla zənginləşdirmək və istifadə edilmiş mülahizə, hesablamaları təkmilləşdirmək 
      2. Strategiyaya üzrə qəbul edilmiş təşəbbüslərin icrası ilə bağlı aylıq hesabatlar tərtib etmək
      3. Həyat sığortası sahəsində cari təcrübələr, trendlər və yeniliklər barədə araşdırmalar aparmaq, yerli bazara uyğunlaşdırılması ilə bağlı təhlil etmək
      4. Şirkətin digər struktur bölmə və orqanlarının sorğusuna əsasən strategiya üzrə təhlillər hazırlamaq

      Namizədə olan tələblə:

      İş təcrübəsi: Maliyyə İnstitutlarının (Bank, Sığorta, İnvestisiya şirkəti və s.) modelləşməsi üzrə 6 aylıq iş təcrübəsi və ya; Maliyyə İnstitutlarının Strategiya və araşdırmaları sahəsində 1 illik iş təcrübəsi. 
      Təhsili/ixtisası: Ali – (Riyaziyyat, maliyyə və iqtisadi təhsil ixtisaslarına üstünlük verilir).
      Dil bilikləri: Azərbaycan dilində mükəmməl danışmaq və yazmaq bacarıqları; Rus və ingilis dillərində yaxşı səviyyədə danışmaq, oxumaq və yazmaq bacarıqları.
      Kompüter bilikləri: Böyük məlumat bazaları ilə işləmək bacarığı; Excel proqramından yüksək səviyyədə istifadə, məntiqi düsturları qurmaq bacarığı; Outlook proqramından orta istifadə, korporativ yazışma prinsipləri ilə tanışlıq; Word və PowerPoint proqramlarından orta səviyyədə istifadə bacarıqları.
      Üstünlüklər: Riyaziyyat, məntiq və statistika üzrə biliklər. CFA proqramlarına üzvlük. 
      Fərdi keyfiyyət tələbləri: Məlumatı toplamaq və təhlil etmək bacarığı/analitik düşüncə, danışıqlar aparmaq bacarığı, ünsiyyət/inandırma/dinləmə/məlumatın düzgün ötürülməsi bacarığı, təqdimetmə bacarığı, yazı qabiliyyəti, etibarlılıq, komanda ilə işləyə bilmək, aktiv öyrənmə bacarığı (Özünütəkmilləşdirmə), məsuliyyətlilik, təşəbbüskarlıq və yenilikçilik bacarığı.

      İmtiyazlar:

      3 ay sonra işçinin özünün və öhdəliyindəki ailə üzvlərinin könüllü tibbi sığortası.

      Vakansiya üçün müraciət qaydası CV-lər “Strategiya və araşdırmalar” mövzusu ilə cv@pasha-life.az elektron ünvanına göndərilməlidir. Yalnız ilkin seçim tələblərinə cavab verən namizədlərlə əlaqə saxlanılacaqdır.
  • Aktuariat şöbəsi - Mütəxəssis
      Struktur bölmə: Aktuariat şöbəsi
      Vəzifə: Mütəxəssis

      Son müraciət tarixi: 09 avqust 2017-ci il

      Vəzifənin öhdəlikləri:

      1. Cəmiyyətin biznes fəaliyyətinin aktuar hesablamaları ilə dəstəklənməsini icra etmək
      2. Sığorta məhsulları üzrə müvafiq statistik cədvəllərə əsasən baza tariflərini müəyyən etmək;
      3. Tələb olunan kapitalın məbləğinin, məcmu kapitalın məbləğini, sığortaçının öz vəsaitinin məbləğini və zərərlilik dərəcəsini hesablamaq;
      4. Sığorta məhsulları üzrə təqdim olunan sığorta risklərini təhlil etmək;
      5. Müxtəlif məhsullar və müştəri portfelləri üzrə zərərliliyin və mənfəətliliyin hesablanmasını həyata keçirmək;
      6. Şirkətin sığorta ehtiyatlarının yerli qanunvericilik və Maliyyə hesabatlarının beynəlxalq standartları çərçivəsində yaradılması üzrə fəaliyyəti icra etmək;
      7. Daxili və xarici istifadəçilərə təqdim etmək üçün aktuariat fəaliyyətinə aid məlumat xarakterli hesabatları hazırlamaq.

      Namizədə olan tələblə:

      İş təcrübəsi: Sahə üzrə 1 il iş təcrübəsi tələb olunur.
      Təhsili/ixtisası: Ali təhsil - ehtimal nəzəriyyəsi, riyazi analiz və ekonometrika sahəsində bakalavr dərəcəsi. Magistr təhsili arzu olunandır.
      Dil bilikləri: İngilis və ya rus dillərindən ən azı birini əla səviyyədə bilməlidir.
      Kompüter bilikləri: Yüksək səviyyəli Excel bacarıqları və digər Microsoft Office proqramlarından yaxşı səviyyədə istifadə bacarığı.
      Üstünlüklər: Analitik düşünmə  və yüksək riyazi analiz qabiliyyəti, Aktuari akkreditasiyası. 
      Fərdi keyfiyyət tələbləri: Risklərə nəzarət etmə və onları qiymətləndirmə bacarığı, məlumatı toplamaq və təhlil etmək bacarığı, proqnoz vermə bacarığı, riyazi bacarıqlar, hesabatların və xüsusi hesabat cədvəllərinin tərtib və təhlil edilməsi, komanda ilə işləyə bilmək, aktiv öyrənmə bacarığı, məsuliyyətlilik, təşəbbüskarlıq və yenilikçilik bacarığı.

      İmtiyazlar:

      3 ay sonra işçinin özünün və öhdəliyindəki ailə üzvlərinin könüllü tibbi sığortası.

      Vakansiya üçün müraciət qaydası CV-lər “Aktuar” mövzusu ilə cv@pasha-life.az elektron ünvanına göndərilməlidir.